Майнинг 5-санасида, Ўзбек Миллий Академик драма театрининг санъаткори, директор ўринбосари, элимиз ардоғидаги ижодкор, Ўзбекистонда хизмат кўрсатган артист Асадилло Набиевнинг таваллуд айёми. Ижодкоримизга айём муборак бўлсин, дея аввало танисиҳатлик-саломатлик, узоқ ва саодатли умр, барокатли ризқ-насиба, оилавий бағри бутунлик ҳамда ижодий нур-ёғду, юксалишлар тилаймиз. Фарзандларингизни чиройли бахтидан, ширин тақдиридан дунёларча роҳат кўриб яшанг. Асадилло, саҳна ва экрандаги ўн етти йиллик ижодий фаолиятингизни кузата туриб, содда тилда айтамиз-ки, яхши актёрсиз. Роль ўйнайдиган ва ролда яшайдиган актёрни нафақат назариётчи мутахассис, балки, оддий томошабин ҳам осон фарқлайди. “Сизсиз ўтмас кунларим” спектаклидаги Исмоил – Асадиллога ростмана ачиндик. Тақдирига куйиндик. Биз ҳам саҳнадаги Асадиллони унутиб, Исмоилнинг дард-аламлари билан яшадик. Ижодий ва ташкилий ишларинигизни унум ва ривожини берсин. Қаддингиз ва қадрингиз ҳамиша баланд бўлсин!
-
Манзил: Тошкент шаҳри, Навоий ко'часи, 34.
-
Боғланиш: (+99871) 244-32-93
milliy.teatr@mail.ru
