Мартнинг 10-санасида, Ўзбек Миллий Академик драма театрининг ёш умидли актёри Абдуллоҳ Ҳусановнинг ҳам таваллуд айёми. Орзулар фаслидаги ижодкоримизни айёми билан қутлаб, аввало сиҳат-саломатлик, узоқ ва мазмунли умр, мўл-кўл ризқ-насиба ҳамда ижодий само сари юксалмоқликни тилаймиз. Келажакда нур-файзга беланган оиланинг раҳбари бўлиб, фақат бахт-роҳатда яшанг. Халқда шундай гап бор: “Олманинг тагига олма тушади”. Сиз халқ суйган ва эъзозлаган марҳум санъаткор Фатҳулла Масудовнинг зурриёдисиз. От изини той босади. Келажакда отангиз каби тўғрисўз, иймонли, ҳалол инсон, шунингдек, меҳнаткаш, жонкуяр, саҳна ва экранда ёниб яшайдиган ижодкор бўлишингизни истаймиз. Абдуллоҳ, сиздан умидимиз катта. Ижод майдонини ибратли ва намунали образ-қаҳрамонларга тўлдиринг, деймиз. Умр ва ижод йўлларингиз ҳамиша нурафшон бўлсин!
-
Манзил: Тошкент шаҳри, Навоий ко'часи, 34.
-
Боғланиш: (+99871) 244-32-93
milliy.teatr@mail.ru
