Февралнинг 23-санасида таваллуд топган яна бир ажойиб ижодкоримиз, маҳоратли актриса, Гулнора Жуманазаровани ҳам айёми билан муборакбод этамиз. Танисиҳатлик-саломатликда узоқ умрингиз қадар аввало оилавий, сўнгра ижодий бахт нашидасида шод-ҳуррам яшанг. Ризқ-насиба эшиклари ҳар қачон очиқ бўлсин. Хонадонингиз нурга, файзга, фарзандларингизни шўх кулгисига тўлсин. Ижодий ният-истак, мақсадларингиз бехато амалга ошишига тилакдошмиз. Гулнорахон, саҳна ва экран ҳаётини нечоғлиқ яхши кўришингизни биламиз. Ҳар бир қаҳрамонингизга қалбингизни, вужудингизни бахш этасиз. Сизга ёниб турадиган актриса, дея таъриф бергимиз келади. Театр ва кино санъатига бўлган муҳаббат оловингиз, ҳамиша-ки, алангалайверсин. Аёллик ва оналик бахтидан сўнг, ижодкорлик бахти доимо сизга кулиб боқсин!