Март ойининг табрикномасини бугунги 31-сана билан якунлаймиз. Отахон театрнинг меҳнаткаш ва ижодий изланувчан актёри Наврўз Жумаевни шукрона куни билан табриклаймиз. Ижодкоримизга аввало соғлик-саломатлик, узоқ ва хосиятли умр, улкан ризқ-насиба, оилавий бағри бутунлик ҳамда холис ижодий ният-истакларнинг бекаму-кўст рўёбини тилаймиз. Наврўзжон, актёрлик маҳоратингиз ва истеъдодингизни бир четга суриб айтамиз-ки, яхши инсонсиз. Тақвонинг ўз мезонлари бор-да. Дили ва тили пок бандасини Аллоҳ Ўзига яқин кўради. Чунки дил ва тил поклиги беозорлик хислатини безайди. Қалби гўзалнинг амали ҳам гўзал. Касбда ҳам, ҳаётда ҳам ҳалоллик инсонни улуғлайди. Ростгўйлик барака ёғдиради. Раббига нисбатан чин қўрқув руҳиятни поклайди. Биз сизни аввало ҳалол ва покдомон инсонлигингиз учун ҳурмат қиламиз. Ана шу соф кўнглингиз билан ижод майдонини гуллатаверинг.
Кимга ва нимага муҳаббат берсангиз, муҳаббатингиз сизни юксалтирсин!
