Ўзбек Миллий Академик драма театрида "Наврўз" байрамининг шукуҳи ҳали давом этмоқда. Кеча ва бугун, театр жамоаси ҳамжиҳатликда баҳорнинг тансиқ-шифобахш таоми сумалак тайёрлади. Сумалак устоз санъаткорларнинг маслаҳати, дуоси, жамоанинг меҳри билан чиройли ранг олиб пишди.
"Наврўз" гина-кудратни унутадиган, дилдаги ғамни аритадиган, инсонларни ҳамжиҳатликка чорлайдиган, аҳил-иноқчилик ришталарини боғлайдиган байрам. Шу боис, ҳар кунинг бўлсин Наврўз! Бир дастурхонда жам бўлиб, меҳр тафтини ҳис этиб таомланишга не етсин. Сумалакнинг дармондори ва шифобахшлигини яна бир сир-синоати: кўпчиликни меҳр-муҳаббати билан тайёрланишидадир.
Жамики инсонлар орасида меҳр-оқибат ва аҳилчилик давомли бўлсин!
