Маълумот ўрнида эслатиб ўтамиз, жорий йилнинг 30-ноябридан 7-декабргача Тошкент шаҳрида IV МДҲ, Болтиқбўйи ва Грузия давлатлари иштирокида Халқаро театр форуми бўлиб ўтади. Кеча, Ўзбек Миллий Академик драма театрида қардош халқ қозоқларнинг ижод маҳсули билан Халқаро театр форуми тантанали равишда очилди. Г.Мусрепов номидаги болалар ва ёшлар Қозоқ давлат академик театри “Кулагер” (муаллиф: И.Джансугуров, режиссёр: Ф.Молдагали) спектакли билан иштирок этди. Асар намойиши соат 18:00да бошланди. Спектакль томошабинларнинг гулдирос қарсакларига сазовор бўлди.
