Бугун 16-февраль, Ўзбек Миллий Академик драма театрининг яна бир истеъдод соҳибаси, ўзига хос актёрлик маҳоратига эга ижодкор, саҳна-экран оламида катта ва кичик роллари билан томошабинлар меҳр-муҳаббатига сазовор бўлган актриса, Омина Тўрақулованинг таваллуд айёми. Айём муборак бўлсин, дея ижодкоримизга аввало сиҳат-саломатлик, узоқ ва файзли умр, мўл-кўл ризқ-насиба, оилавий сокин ҳаёт, шунингдек, ижод самосида юксак парвозлар тилаймиз. Фарзанду набираларингизни чиройли ва ширин ҳаётидан бахтга-роҳатга тўлиб яшанг. Устоз, мутахассислик тилида “типаж” деймиз, ижодий қиёфангизда ўзгачалик бор. Хорижий образларга, характерли ролларга, салбий қаҳрамонларга театршунос нигоҳида сизни муносиб кўрамиз. Ижодингизни кузата туриб, маҳорат бўёқларингиз бой ва ёрқин эканлигига гувоҳ бўламиз. Репертуарингизга файз-барака ёғилсин. Қалбингиздаги неки холис ниятлар, шаффоф орзу-ҳаваслар бўлса, Яратган барини ижобатини берсин!