Бугун, соат 12:00да Миллий Олимпия қўмитаси қошидаги Республика спорт тиббиёт марказида “Тиббиёт ходимлари куни” муносабати билан “Соғлом овқатланиш – соғлом ҳаёт гарови” номли маънавий-маърифий тадбир бўлиб ўтди. Тадбирда Ўзбек Миллий Академик драма театрининг ёш умидли актёри Ҳамза Ҳасанов иштирок этиб, гўзал ижод намуналари ва нотиқлик санъати билан даврага файз-шукуҳ олиб кирди. Бошловчилик фаолияти давомида мавзуни ёрқин ёритишда муносиб ҳисса қўшди. Хушовоз хонанда Гулзода Худойназарова ижросидаги гўзал куй-қўшиқлар давра ҳароратини юксалтирди. Тадбир долзарб ва аҳамиятли мавзу билан иштирокчи ва меҳмонларда катта таассурот қолдирди.