Бугун, яъни 22-октябрь куни соат 10:00да Республика Маънавият ва маърифат маркази “Маърифат” тарғиботчилар жамияти томонидан Яшнобод туманида жойлашган 22-умумтаълим мактабида “Қадринг баланд бўлсин, она тилим” шиори остида маънавий-маърифий ва маданий тадбир бўлиб ўтди. Тадбирда “Маърифат” тарғиботчилар жамияти аъзоси, Ўзбекистон халқ артисти Гавҳар Зокирова иштирок этиб, теран фикр-мулоҳазалари, мушоҳадалари билан мавзуни бойитишда, чиройли тарзда очиб беришда муносиб ҳисса қўшди.