Ўзбек Миллий Академик драма театри ижодий жамоаси ва рахбарияти 2019-йил 26-март куни соат 9:00 да Чиғатой қабристонига бориб, устоз санъаткорларни, жумладан актёрларни, режиссёрларни, шоир-у драматургларни ва барча мўмин ва мўминаларни зиёрат қилиб, қуръон тиловат қилиб, зиёрат қилиб қайтишди. Хусусан: Шукур Бурхонов, Олим Хўжаев, Наби Рахимов, Раззоқ Хамраев, Абдулла Орипов ва кўплаб ижодкор устозларни рухини шод этиш мақсадида ва албатта 27-март “Театр куни” муносабати билан уларни ёд этиб қайтишди.